ପଞ୍ଚ ପ୍ରକୃତି ହିଁ ଆଦିମ ଶୃଙ୍ଗାର! ରସ*

 ꧁𓆩❤️ 𓆪ପାପ ଓ ପୁଣ୍ୟ 𓆩❤️𓆪꧂

ରଚିତ:- ଭାବୁକ ଅଧମ ନିଲେଶ

ବାଣୀ କ୍ଷେତ୍ର, ଭୁବନେଶ୍ୱର

ଜୀବ,ନିର୍ଜୀବ ମୂଳେ, 

ଆବେଗାତ୍ମାକ ନିଲେଶ l 

ପାପ,ପୁଣ୍ୟ ଅନ୍ତରେ,

ବ୍ରହ୍ମ ଓ ତତ୍ତ୍ଵ ନିର୍ଲେପ ll 

ଦେହ ଜୀବ ନିର୍ଜୀବେ,

ବସେ ଏକ ବ୍ରହ୍ମ ଜ୍ୟୋତି ।

କର୍ମ ରଙ୍ଗେ ରଞ୍ଜିତ,

ହୁଏ ପାପ ପୁଣ୍ୟ ଗତି ॥

ଜାଣି ନଜାଣି ଯେ କର୍ମ,

ମନ ହୁଏ ତାହା ମୂଳ ।

ଲୋଭ ଦ୍ୱେଷ ଅହଙ୍କାରେ,

ପାପ ଗଢ଼େ ଭବ ଜାଳ ॥

ମିଛ କଥା ହିଂସା ବେଦନା,

ଅନ୍ୟାୟ ଅତ୍ୟାଚାର ।

ଅନ୍ଧ ବୃଦ୍ଧ ଅବହେଳା,

ପାପ ଲେଖେ ଅନ୍ତଃସାର ॥

ନାରୀ ଅପମାନ ଯେ କରେ,

ଭୁଲେ ବ୍ରହ୍ମ ଦର୍ଶନ ।

ନିଜ ଧର୍ମ ତ୍ୟାଗ କଲେ,

ନଶେ ମାନବ ଚେତନ ॥

ସେବା ଦୟା କ୍ଷମା ଧୈର୍ଯ୍ୟ,

ପୁଣ୍ୟ ହୁଏ ମହାଧନ ।

ଗୁରୁ ପିତା,ମାତା ସେବା,

ଦେଉଛି ବ୍ରହ୍ମ ଜ୍ଞାନ ॥

ବୃକ୍ଷ ରୋପଣ ପରିବେଶ,

ଶିଶୁ ବୃଦ୍ଧ ସମ୍ମାନ ।

ସମାଜ ମଙ୍ଗଳ ଭାବନା,

ପୁଣ୍ୟ ପଥର ପ୍ରମାଣ ॥

ନିରାମିଷ ସତ୍ୟ ଚରଣ,

ଭଗବତ୍ ପ୍ରେମ ଲୟ ।

ଜ୍ଞାନ ଦୀପେ ଆଲୋକିତ,

ମିଟେ ପାପ ଅଭୟ ॥

କଳିଯୁଗେ ବଢ଼ିଛି ପାପ,

ପୃଥିବୀ ହୁଏ ଭାର ।

ମନୁଷ୍ୟ ହାତେ ନିୟନ୍ତ୍ରଣ,

ଏହି ସୃଷ୍ଟି ସଂସାର ॥

ପାପ ପୁଣ୍ୟ ନୁହେଁ ବ୍ରହ୍ମ,

ବ୍ରହ୍ମ ଶୁଦ୍ଧ ନିର୍ମଳ ।

କର୍ମ ଫଳେ ବନ୍ଧେ ଜୀବ,

ମୁକ୍ତି ଜ୍ଞାନେ ସଫଳ ॥